Hiriburuko Herriak eta bertako Diziplina anitzeko Osasun-etxeak, Estatuaren zerbitzuen babespean, txertaketa-zentro bat irekiko dute, txertoa denei emateko eta Euskal Herriko Elkargoan diren zerbitzuen osatzeko.
Zentroa La Perle gelan izanen da eta 70 urte edo gehiagoko pertsona guziak hartuko ditu oraingoz, baita 50 eta 75 urte artekoak ere eritasun larrien kasuetan. Harrera horren bilakaera, indarrean diren legezko irizpideen arabera eginen da.
Txertoa hartzeko, aitzinetik hitzordua galdatu behar da, astelehenetik larunbatera, 09:00etatik 13:00etara (besta egunetan izan ezik), hiru moldetan:
• Telefonoz, 06.18.66.75.88 zenbakira, zentroa irekia den tenoreetan,
• Doctolib plataformatik,
• Zentroan berean, irekitze tenoreetan hitzordua hartuz.
Orain arte, osasun-alorreko 45 profesional mobilizatuak dira zentro horren funtzionamendua bermatzeko.
La Perle aretoa Hiriburuko Baxenabarre etorbidearen 29an da, eta aparkalekua du.