Udaberriko Merkatuak, landare-trukearekin batean, jende anitz erakarri du apirilaren 25ean, igandearekin. Bertako produktuak maite dituztenengandik hasi eta Herriko edo auzo herrietako bisitarietaraino, tokiko hamabost bat ekoizleek aldian-aldian 170 pertsona ikusi dituzte eremutik pasatzen, osasun-neurrien indarrean. Irakurri UDABERRIKO MERKATUA BIZIKI PREZIATUA

Hiriburuko Herriak eta bertako Diziplina anitzeko Osasun-etxeak, Estatuaren zerbitzuen babespean, txertaketa-zentro bat irekiko dute, txertoa denei emateko eta Euskal Herriko Elkargoan diren zerbitzuen osatzeko.
Zentroa La Perle gelan izanen da eta 70 urte edo gehiagoko pertsona guziak hartuko ditu oraingoz, baita 50 eta 75 urte artekoak ere eritasun larrien kasuetan. Harrera horren bilakaera, indarrean diren legezko irizpideen arabera eginen da.
Txertoa hartzeko, aitzinetik hitzordua galdatu behar da, astelehenetik larunbatera, 09:00etatik 13:00etara (besta egunetan izan ezik), hiru moldetan: Irakurri COVID-19 txertaketa-zentro baten irekitzea Hiriburun, 2021eko apirilaren 6tik aitzina

Martxoaren 28an, igandearekin Hiriburun eta Euskal Herriko beste 87 herritan, aek-k euskara bultzatzeko animazioak antolatu ditu.
Patxi Iriarten bertso baten ondotuk, Watson kantariak “Euskal Herrian Euskaraz” kantatu du. Francis Elissaldek, Hiriburu Gau Eskolako lehendakariak, euskara baliatzea eta babestea ere eskatu du, aurten Korrika antolatu balitz, helmugaren eguna izanen zen egunean.
Animazioa, babes-neurrien errespetuan, hormirudi batean denek mezu bat marrazteko gomitarekin bururatu da. Irakurri BULTZA GAU-ESKOLAK / BULTZA EUSKARA